کتابیں
کتابوں نے نسلوں کو جوڑا ہوا تھا
کتابوں نے بچوں اور بڑوں میں
دوستی کا جو ایک ورق تھا
یاد دہانی کے لیے موڑ ا ہوا تھا!
کبھی گود میں بٹھا کے کہانی پڑھانا
کبھی رات کے کہرے میں سونے سے پہلے
کتابوں میں کھو کر
داستانیں سنانا
کبھی چھوٹی چھوٹی کتابوں سے
لطیفوں کو پڑھنا
مل کے ہنسنا
اور ہنسانا!
کبھی مل کے بیٹھیں سب تو
کتابوں سے پڑھ کر
پہلیاں بجھانا
کتابوں نے نسلوں کو جوڑا ہوا تھا
کتابوں نے بچوں اور بڑوں میں
دوستی کا جو ایک ورق تھا
یاد دہانی کے لیے موڑ ا ہوا تھا!
وہ محلے کی لائبریری
وہ اخبار کے کھوکے
وہ “امیر حمزہ” کی شجاعت
وہ “عمرو” کے دھوکے
وہ ہر ماہ کے نئے رسالوں کی خوشبو
وہ ناول کے دسویں حصّے میں کھو کے
تھوڑی دیر دنیا کے غم بھول جانا!
وہ دوستوں سے مانگی
ہوئی چند خوشیاں
کتابوں کی صورت!
وہ بالکنی کے کنارے
تازہ پودوں سے اٹھتی
مٹی کی خوشبو
اور پاس کرسی ڈالے
کتاب میں کھوئی
ایک حسین مورت!
وہ ڈائجسٹوں کی دنیا
محبتوں کے قصے
وہ قصوں کے سروں سے
نئے خواب بونا
وہ ملن پہ مسکرانا اور کئی دن
کسی دکھی افسانے پہ
چپکے سے رونا
یہ وہ ڈوریاں تھیں
جو نظر نہ آئیں
مگر باندھے رکھیں
گرہ کو گرہ سے
سرے کو سرے سے
سہیلی کو سکھی سے
چھوٹے کو بڑے سے!
کتابوں نے نسلوں کو جوڑا ہوا تھا
کتابوں نے بچوں اور بڑوں میں
دوستی کا جو ایک ورق تھا
یاد دہانی کے لیے موڑ ا ہوا تھا۔۔
قرۃ العین صبا
پسند آئے تو لائیک ،کمنٹ اور شیئر کرنے میں بلکل کنجوسی نہ کریں
Kitaben
Kitabon ney naslon ko jora hua tha
Kitabon ney bachon Aur baron main
Dosti ka Jo Aik warq tha
Yaad dehani key liye mora hua tha!
Kabhi god main bitha key Kahani parhana
Kabhi raat key kuhrey main soney sey pheley
Kitabon main Kho Ker Daastanen sunana
Kabhi choti choti kitabon sey
lateefon ko parhna
Mil key hansna
Aur hansana!
Kabhi mil key bethen sab to
Kitabon sey parh Ker
Pheliaan bujhana
Kitabon ney naslon ko jora hua tha
Kitabon ney bachon Aur baron main
Dosti ka Jo Aik warq tha
Yaad dehani key liye mora hua tha!
Woh muhalley ki library
woh Akhbar key kholey Woh “Ameer Hamza” ki Shujaat
Woh “umro” key dhokey
Woh her mah key naye risaloon ki Khushboo
Woh novel key daswen Hissey main Kho key
Thori der Duniya key gham bhool Jana!
Woh Doston Sey maangi hui Chand khushiaan
Kitabon ki soorat
Woh balcony key kinarey
Taza podon seh uthti
Mitti ki Khushboo
Aur paas kursi daaley
Kitab main khoi
Aik Haseen moorat!
Woh digeston Ki Duniya
Muhabaton key qissey
Woh qison key siroon sey
Naye khuaab bona
Woh Milan peh muskurana Aur kai din
Kisi dukhi afsanney peh
Chupkey sey rona
Ye woh Dorian theen
Jo Nazar na aayen
Magar baandhey rakhen
Girah ko girah sey
Sirey ko sirey sey
Saheli ko Sakhi sey
Chotey ko Barey sey!
Kitabon ney naslon ko jora hua tha
Kitabon ney bachon Aur baron main
Dosti ka Jo Aik warq tha
Yaad dehani key liye mora hua tha!
Quratul ain Saba
*
Picture is of my night table
