“مجبوری”(نظم)

Don’t forget to like, comment and share if you like it
“Majboori”
Mera bas chaley tou!
Murawat ko zandaan main Daal doon main
Lehaaz ko Umar qaid ki saza ho
Paasdari key paoon main beriaan Hoon
Ehsaas key hath hathkari main phansey Hoon
Ikhlaas ko to deewar main hi chunwa Doon
Aur ikhlaaq ko takhta e daar peh charha Doon
Magar jab ye Socha
Kia ye irada
Qadam Jo barhaaye
Keh khud apney hathon sey
Her iqdaar ka apni
Gala ghont Doon main
To ain samney
Merey rastey ko rokey
safaid doshalah oorhey insaniyet ka
Sarapa udasi
Mujhey heraan aankhon sey takti
Muskurahat Kuch
Taasuf Zada si
Chehrey peh sajaye
Kaanptey hathon main aainey ko thaamey
Meri zaat ka aks mujh ko dikhaati
Meri “Tarbiyet” Khari thi…
Quratul ain Saba