موتیا کی خوشبو میپل کے رنگ پہ ڈاکٹر نقاب خان صاحب کا تبصرہ

اپنی کتاب “موتیا کی خوشبو، میپل کے رنگ” میں ان کا یہ تبصرہ بے انتہا حوصلہ افزائی کا باعث ہے، جس کے لئے میں انکی بہت شکر گزار

ہوں، ڈاکٹر صاحب سلامت رہیں!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں چونکہ خود انجنیئرنگ انڈسٹری اور ٹیکنالوجی کے “طوفانی ” تھپیڑوں کا سامنا کرتا رہا ہوں اس لیے یہ خیال ذہن میں پختہ ہوگیا تھا کہ اس قبیلے کے لوگ نہ اچھا بول سکتے ہیں نہ لکھ سکتے ہیں اور نہ نظر آسکتے ہیں ۔ پھر صبا سے واسطہ پڑا ۔۔ان کی ٹائم لایئن دیکھی ۔یو ٹیوب چینلز اور آن لائن ویڈیوز دیکھیں اور آخر میں ان سے ایک آن لائن ایونٹ میں بات چیت کا موقع ملا۔ مجھے ان کی شیریں گفتاری، الفاظ کے بہترین چناو، صبر و تحمل، کام، گھر داری اور بچوں اور شوھر کے خیال کی صفات بہت اچھی لگیں ۔۔یہ کہنا بہت مشکل ہوتا ہے مگر صبا ان چند خواتین میں سے ہیں جو بیک وقت ماں، بہن اور بیٹی کی خوبصورتی لیے ہوئے ہوتی ہے ۔ میری اردو کے کچھ الفاظ کے استعمال کی صلاحیت میرے کراچی میں قیام کے دوران میرے اردو سپیکنگ بھایئوں کی مرھون منت ہے اور ان کی نرم گوئی سے میں کچھ کچھ اس قابل ہوا کہ چند منٹ تک مجھے “برداشت ” کیا جاسکتا ہے ۔ سوشل میڈیا پر اپنے آپکو “پرسکون ” رکھنے اور کچھ حد تک قابل برداشت رکھنے کے لیے میں صبا کی مثال سامنے رکھتا ہوں۔ کتاب تو آپ خود پڑھ لیں گے اور اس مستفید ہونگے ۔مگر صبا کی شخصیت کی صفات سے بھی ضرور فائدہ اٹھایئں اور معاشرے کے مفید رکن بنیں ۔

انجنیئر ڈاکٹر محمد نقاب خان امبیلہ بونیر کے پی کے